Organu Emailearen Eguna dela eta, ekaineko lehen asteazkena, giltzurrun, gibel eta bihotz trasplantatuak diren hiru gipuzkoarrek emaile ezezagunaren eta beraien familiartekoen solidaritatea eskertu nahi izan dute.  Erreportajea DV Organu Emailearen Eguna

Ekainak 5, asteazkena, Organu Emailearen Eguna da eta Alcer-Gipuzkoak egun hau ospatu nahi du emaile pertsonen eta familiartekoen solidaritatea eta eskuzabaltasuna eskertuz egiten duten keinu altruista dela eta. Giza-ehun eta organu emaileen aldeko mentalizazio soziala eta sentsibilizazioa sustatzen dugu. 

Arantxa Lazkanok, 90eko hamarkadan giltzurrun trasplantatua dena, bere esperientzia eta trasplanteak bere bizimoduan ekarritako aldaketa kontatu du. Gainera, organo emaitzaren aldeko mentalizazio sozialaren garrantzia nabarmendu du. Arantxa Lazkano, giltzurrun transplantatua. Iturria: Ikasbil ataria – HABE Transplantea, bizi-kalitatea hobetzeko. Iturria: Ikasbil ataria – HABE Inoiz pentsatu duzu organo-emaile izatea? Iturria: Ikasbil ataria – HABE  

Azaroaren 10ean, Alcer Gipuzkoak, Nefrologiako Zerbitzuaren parte-hartzearekin, Polikistosi Hepatorrenalaren gaixotasunaz kaltetutako gaixoei eta beraien familiartekoei zuzendutako Jardunaldia ospatu zuen. “Gaurkotzea Polikistosi Hepatorrenalean” Jardunaldiak, bertaratze askorekin, Polikistosiaren alorrean dauden aurrerapenen inguruko ezagutzari buruz hitz egiteko aukera eskaini zuen.

Alcer Gipuzkoak Donostia Ospitaleko Nefrologia Zerbitzuarekin elkarlanean, giltzurrun polikistosiaz kaltetutako gaixoen eta familiartekoentzat zuzenduta, “Gaurkotzea Polikistosi Hepatorrenalean” formakuntza Jardunaldia antolatu du. Jardunaldia datorren larunbatean, azaroak 10, izango da Donostia Unibertsitate Ospitaleko Ekitaldi Aretoan.  Egitaraua Jardunaldia Polikistosi Hepatorrenala

Urriaren 18an, Alcer Gipuzkoak, hitzaldi baten bitartez, organu emaitzaren inguruan sentsibilizazioa egin zuen Itziar-Deban kokatuta dagoen CIE Automotive enpresako langileei. Giro atsegin eta solidarioan gaiari buruz hitz egin zen, baita, organu emaile izatearen garrantzia azpimarratu ere.

“Elkartasun aleak” erakusketak, Gipuzkoa Solidarioak (Kutxa Fundazioa) antolatuta, Estazioaren ondoan dagoen Egiako pasadizoan kokatutako panel ezberdinetan arlo guztietariko elkarteei buruzko informazioa edukitzea ahalbidetzen du. QR kodigoa eskaneatuta elkarteari buruzko informazioa jaso dezakezue, baita, elkartearen agendaren berri izan ere. Ekimen hau urriaren 16tik azaroaren 12ra arte egongo da erabilgarri.   Alcer Gipuzkoa ere paneletan topa dezakezue!

Hemodialisi egoeran dagoen giltzurrun gaixoen talde batek ordezkako giltzurrun tratamenduarekin egindako aldizkako lekualdaketei buruzko esperientzia kontatu du. Alcer Gipuzkoak koordinatutako “Familiarentzat atseden egunak / Hemodialisi plazen gestioa”-ren programari esker, giltzurrun gaixoak arrazoi ezberdinengatik lekualdatzeko aukera du. Erreportajea: DV_lekualdatzeakHD

Urola Kostako giltzurrun trasplantatuen taldeak organu emaile ezezagunaren eta beraien familiartekoen solidaritatea eskertu dute. Erreportajea: DV_UrolaKosta